Pengikut

Ahad, 29 Julai 2012

RASA NO KKECEK KLATE WEHH...






Selamat pagi blako-lako. Guano rhalik molek dok tengok kipah tuh? Bilo nok bangung nyoh? Aihh metey-metey hari ni cuti. Hok luar Klate macam ambo la hok cuti tuh. Klate krijo doh. Gewe ambo pun g skoloh doh takdi. Huhu..ingat ko gewe la pulok. Maklumlah gewe jauh dok kapung.


 Tok tau bakpo braso nok bkecek klate dale blog ni. Tok rajin lagi bkecek gini mo lalu pekat dio. Tu punng ado la sikit-sikit hok bahaso luar nyoh.








Nok tido lloni pung tak brapo nok jenero. Maklung lah esok kang nok krijo doh. Baju krijo gosok blako doh ko tuh? Jange dok main panah sangat la loni. Mugo loni panah pelik sikit. Tamboh-tamboh  Melako nih banyok banguney. Ambo arap adik kakok hok lain sihat blako-lako. Tibo-tibo jugak rasa rindu ko kg ambo. Kg Lata Rek. Tepat lahir. Tepat skoloh. Tepat hok segala tepat bagi ambo. rindu ko mok ayoh hok dok kappung. Tok sabar nak balik cuti rrayo nih. Nok brayo sungguh sikit.


Sempena bule poso ni marilah kito perbanyokkan amal ibadat. Pakat g terawih belako ter. Tok payoh nok g jauh-jauh la. G hok dekat ngan rumah doh la. Penuh kan masjid atau ssurau kito. Ni gak brehi sangat nok g hok jauh-jauh.


Ambo arap kalu tok tarawikh pung jange la dok wat bendo hok tok pekdoh lain. Jangan dok pakat rempit ngan mutor. Tak dok pekdoh lagu tuh. Wat prabih minyak mutor mok pok jah. Pah kalu eksiden ko bergapo ko sapo hok susah. Worih waroh jugok hok susah. Ambo dok tengok hok dok blarok kot atah tembok tu pun budok-budok bringus lagi. Tikatte satu duo jah. Tuboh tu gak kecik celleh. Nyo masuk woh perut lori gok nyakyo la. Buley lepah di Melaka ni, pok lih igak doh 400 butir motor hok dok merempit ngan standby dok nengok orang nok blombor. Abih kena igak wot gi bbalai. Pah tok perik lagi tuh. Bilo kena lepah, puok- puok tu buat lagi. Baso kerah ppalo.



Guano poso sek sek kito di tepak oghe nih. Ambo dok di Melako. Ngeri Bandarayo ber sejaroh. Nok bgapo ado blako ssini. Pusat pengajie banyak. Masjid banyok. Tepat bbeli kain baju banyok. Tepak  dok mlepok pun banyak. Hiburrey tok soh oyak la. Ppinar mato la sapo hok brehi gak.


Dok Melako ni jugok makenney banyok. Oghe Kelate pung ramai dok nnego ssini. Kalu buley tok poso, ado sorang kakok tuh jjual nasik di bowoh kolej tu. Dia jual nasik kukuh. Tu gak laku moooolek. Abis 20 ekor aye sokmo dia kato. Kadey-kadey dio wat lebih. Rama gak oghe dok beli. Bukey stakat oghe Kelate, oghe luar pung beli jugak.




Berapo hari doh poso weh. Staro mano juz al-Quran hok kito baco doh. Ko dok tundo pah ko esok-esok. Bilo nok start nyoh? Jadi start slalu lah. Tok soh dok tunggu. Buley poso ni jugok jange lupa g terawih blako lako. Kalu tok leh buat 20 rakaat, buat la lapan rakaat. Sebenar nyo bulih blako dih. Tapi sebab malah, tu hok jadi liat nok g tuh. Lepah bbukok poso gok dok nyandar di tiang rumoh. Berat sunggoh lagu tuh.

Pah tu nak brayo pulok. Dengar kabar gaji bulih awal tahun ni. Jangan dok boros sangat la. Tok payoh la nok jjadi srupo artis nok beli baju rrayo 5 6 7 pasey. Beli sikit-sikit doh la. Pakai joh la hok tahun lepas. Mugo molek lagi tuh kan. Kuih rayyo tu  buat doh ko? Ko beli kkedai jah? takpolah hok mano pun. Bringat la sikit. Sebab kalu duit abis gak nok tunggu gaji pulok gok lamo la weh. 


Kreto tuh jange lupa seybih. Atar kkedai tuh. Ambo pun tok atar lagi tuh. Minggu ni ingat nok atar la. Nok seybih ssedak sikit. Bukey nok wat blombo, tapi nok bjago-jago. Mana la tau kot balik nanti jale jeng koir gak. Skalo nok balik Klate gitu sokmo. Hok mano lalu kot jale Kuala Lipih - Gua Muse gak makey jeng kot atah kreto la. Hok mano bulih cuti awal tu ejah la cuti awal sikit. 


Bereh lah. Tok tahu nok kato bgapo doh. Cuma nok promote DTS ni sikit. DTS ni singkatte ko Diploma Teknologi Seni Teater. Haaaa...ambo krijo ssini la. Ngaja teater ssini. DTS ni dok bowoh SMART (School of Media Technology and Art). Tuh dia. Kecek Landong. Pah SMART ni pulok dok bowoh KAYM atau Kolej Antarobangso Yayase Melako. 


Ssini memey ngaji teater sunggoh la. Tok blawok la. Tapi kena pakat ingat, sebab kadey-kadey orang saloh pahey. Dio ore ingat masuk teater nih nok blakon jah. Dok ehh. Bukey lagu tuh. Dalam teater ni ada macey-macey. Ada pengurusey, teknikol, blajar mekap, belajar btukey, nok jjadi cikgu pun ado. Jadi jangey ingat blakong jah. 


Pah kalu blaja blakong tuh, tak semestinya jadi plakong. Blajar blakong selain jadi plakong nih ialah untuk diri kito. Nok bowok diri macey mano nok bkecek ddepey ore ramai. Ketar lutut ko dok. Haaaa..sedikit sbanyok teknik lakon tu membantu adik kakok untuk berhadapey dengan ore ramai. Ambo dulu ketar lutut kalu nok bkecek ddepey ore. Tapi loni gak koho sronok nok brucap. Kalu wi ccopong gak toksey lepah doh.


Kalu nok masuk DTS ni mudoh jah. Yang peting mesti lulus dengan tigo kredit dale mana-mana pelajarey. Maknonya 3 subjek lah. Pah kalu nok daftar bulih royak ko ambo. Ambo tulong la wok g tepat daftar ko apo ko. Kalu nok lagi jelah gok, g la mlawat laman web KAYM tuh. Taip jah www.kym.edu.my.  daley tu ado blako-lako.



Pah tuh bereh la deh. Selamat berbuko puasa blako-lako adik kakok skalian. Ambik la pattung sikit nok wie nih. Tok payoh balah pun takpo. Kalu nok balah gak g la tepak komeng tuh. Pattung bbunyi lagu nih : 


Naik basikal tak dok road tax..
Bowok lori alik sie..
Ambo ni jenih suko merepek..
Mitok sori adik kakok skalian..


Ado so lagi nih..


Gunung Daik Bukit Sebukor..
Nok parking kreto tak dok aroh..
Buley baik ni kito bersyukur...
Moga rezeki makin muroh


Samad wokyoh g ppekan...
Niat nok beli buah guroh...
Selamat Hari Raya Ambo Ucapkan...
Moga rayo lebih merioh...






6 ulasan:

syud berkata...

hok alohh.. sedap nya dgr pak malau duk kecek kelate ni.hahhaha..
sero manis jor..
kawe tahu pong sikit2 ja.
dop tahu byk2. hahahah

hmm.. baju first tu cantik yer.. hahahha..

MALAU berkata...

hok alohh laweh...huhu..sedap yoo..sekali skalo jah tu..puah dok ssajo.

syud bulih kecek jugok la tu. ok la dapat paham apa yang ditulis.

baju first tu special untuk tuan dia..huhu

razlan ab razak berkata...

kawe pong pandai jugok kecek kklate..nate sokmo!

syud berkata...

ambo pandai kecek ni pung sbb saing2 ambo nak royatnya kebanyakannya dari kelate.
tu yg ambo belajar sikit2 dari sep2 yo tu.
maafla kalo bunyi ghupo siam sikit hahhaha.. ambo meme gini.
=)

MALAU berkata...

razlan....haha..kemaih..kemaih..tp ujung tu mencarut skit..haha..tok molek ggitu..kuruh posos

MALAU berkata...

syud..ooo rama saing dari klate ya...bauh la macam tu..lepah ni kawin pulok dengan ore klate..ok la tu..bulih makan budu sokmo

LinkWithin

Related Posts Plugin for WordPress, Blogger...